ردا علي سؤال اقتصاديات مشروع زي ده لزراعة الأسطح والمساحات الغير قابلة للزراعة.
العلبة دي اسمها دتش بكت Dutch Bucket ودي احد أنظمة الزراعة المائية وأصبحت معروفة دلوقت ومتاحة عندنا في مصر إنتاج محلى.
من غير تفاصيل كتير، هي تقريبا بمستلزماتها تعمل ١٥٠ جنيه تقريبا كاملة.
هي مناسبة اكتر للنباتات الثمرية، ولو أخدنا نبات الخيار مثال فهي تأخذ نباتين خيار لكل دتش واحد، متوسط انتاج النبات الواحد خلال العروة الواحدة ٦ شهور، من ٨ الي ١٠ كيلوجرام لكل نبات.
الوحدة لا تستهلك ماء يذكر ولا يمكن حسابه ماليا، نقول مثلا أربعة لتر شهريا ودي اعلي نسبة بخر، وتستهلك كهرباء حوالي ١٥٠ وات كل ١٢ ساعة، أو ٣٠٠ وات كل ٢٤ ساعة.
تحتاج مغذيات وعناصر كبرى وصغري بمتوسط عام ٢٠ جنيه شهريا ورش وقائي ضد الحشرات بمتوسط عام ٢٠ جنيه أيضا بشرط وجود غطاء للحماية.
يعني لو افترضنا أن فيه ١٠٠ وحدة يبقي بتنتج ١.٦٠٠ كيلو في العروة أو ٣٠٠ كيلو متوسط كل شهر.
المشروع ده اتصمم علي اساس وجود ٥٠٠ وحدة تقريبا.
دي دراسة مختصرة كده، التفاصيل الكامله هقولها بعدين.
التنفيذ كله تم في أربع ايام، بايدي شادية هانم باشا، وابننا محسن هشام، وابراهيم العامل بالمزرعة، وصديقنا وأخي الصغير مهندس مدحت فروح تحية لهم جميعا.
