الرئيس السيسي: رصدنا 100 مليار جنيه لدعم صناعة السيارات الكهربائية
أكد الرئيس عبد الفتاح السيسي، أن مصر مهتمة بتشجيع المستثمرين ودعمهم قائلا: “معندناش ترف أبدا أننا نضيع وقت غير في تشجيع المستثمرين عشان يشتغلوا ويطورا ويستثمروا وهقول مثال في 2016 و17 كان لي فرصة أزور دول كتير زى اليابان وكوريا، وتكلمت عن السيارة الكهربائية وإننا فى مصر مهتمين بهذا الموضوع”.
وأضاف الرئيس السيسى، خلال لقاء مع عدد من مسئولي كبريات الشركات الدولية: “قلت إذا كانت صناعة السيارات التقليدية فاتتنا وندخل في موضوع العالم كله شغال فيه وقلنا مستعدين نقدم الحوافز اللى بتنجح صناعة السيارات الكهربائية في مصر، ونعمل مقر للشركة ومرصود لهذا الامر 100 مليار جنيه محطوطين من الدولة”.
ووجه حديثه للمستثمرين: “لو عايز تعمل صناعة سيارات كهربائية في مصر مستعدين نخش في ده عشان الصناعة متبقاش عبء على المستثمرين والأرض هخصصها وهعمل المطلوب مني وأنت عليك تجيب المعدات المطلوبة للإنتاج وتدير العمل وبنعمل ده مش عشان نشاركك كدولة ولكن عشان نشجعك ومفيش حاجة تعمل لك إعاقة”.
توفير بيئة مناسبة لتطوير الصناعة
وأكد الرئيس، أن الدولة المصرية بذلت جهدا كبيرا خلال الـ10 سنوات الماضية لتوفير بيئة مناسبة لتطوير الصناعة، قائلا: “الصناعة مهم تكون جزءا كبيرا من الناتج المحلي للدولة المصرية واحنا سوق كبيرة وقبل ما نقول فرص تصدير وده أمر مهم ولكن عايز أقول السوق المصرية كبيرة”.
وأضاف، أن مصر لها اتفاقيات وعلاقات طيبة مع الدول الأفريقية والعربية وحتى الأوروبية وشرق آسيا وعلاقتنا طيبة مع الكل وبالتالي في فرص تصدير جيدة لمنتجاتنا والمصانع التي تعلم في مصر”.
وتابع: “حاولنا نعمل بنية اساسية مناسبة للصناعة ومسبناش مجال إلا واشتغلنا فيه موانئ ومطارات وطرق وشبكات الطرق والكهرباء والغاز وكل المجالات اللى محتاجها الصناعة كبنية اساسية وبنية تشريعية أيضا”.
وذكر أن الدولة المصرية نفذت بنية تشريعية لتقديم الحوافز وتأمن الاستثمارات للشركات العاملة في مصر، وأيضا استراتيجية للاستثمار ووثيقة ملكية الدولة، موضحا أن مصر لها تجربة مع القطاع العام خلال 50 سنة.
وشدد على اهتمام الدولة المصرية بالقطاع الخاص وتوفير مناخ مناسب لهم يشتغلوا فيه، مضيفا: “محتاجين أن القطاع الخاص يشتغل ويتطور ويكبر استثماراته وفي فرق كبير أنك تجمع منتجات وأنك تنتج المنتج بنسب كبيرة ولو تكملت مثلا عن صناعة زي السيارات”.
وأكد الرئيس، أن الدولة أنشأت 25 جامعة خلال 10 سنوات، وتمت مضاعفة عدد الجامعات في مصر ودعموها بعلوم العصر، قائلا: “عملنا كدة عشان نقدر نقدم لكم كمستثمرين ورجال صناعة منتجا تعليميا للشاب أو الفتاة، يقدر لما تطلبه يعمل عندكم يكون مؤهلا”.
