عارف لو زرعت عنب فوق سطح بيتك أيه اللى هيحصل؟ مفيد للبيئة والأسرة

الزراعة المنزلية لم تعد تستهدف فقط الشكل الجمالي والاستمتاع بالمناظر الخضراء وفقط، ولكنها أصبحت حاجة ملحة لتوفير مناخ ومحيط صحي يقلل درجات الحرارة ، وكذا توفير هواء نقي، وكمان ممكن تستثمرها تجاري وتوفر لك ولأسرتك الاحتياجات من الفاكهة والخضر ، والفائض تبيعه للجيران أو المحال التجارية.

العنب من أكثر المحاصيل وأسهلها في الزراعة، في الحدائق المنزلية أو الأسطح، وكذا يوفر قيمة جيدة للأسرة من جميع النواحي ومن فوائده :

1- هتقلل درجة الحرارة على سطح المنزل 7 درجة مئويه عن الحرارة العادية لانك هتمنع سقوط اشعة الشمس بطريقة مباشرة على البيت ..وهنا بنتكلم على فصل الصيف

2- زراعة واحد متر مربع مساحة خضراء يكفى احتياجات الفرد من الاكسجين طوال العام

3- هيعطى ظل وحماية لخصوصية السطح يعنى ممكن تطلع انت وأولادك عادى جدا وتقعدو من غير ما حد يتطفل على الخصوصية خاصة لو عملنا سياج أشجار فاكهة على سور السطح 🙂

4- هتأكل أحلى ورق عنب أورجانيك بدون أي كيماويات

5- وهتأكل ورق عنب نقي وجيد

الطريقة أزاى ؟ هقولك : 

أ- هتجيب برميل بلاسيتك وتخرمه من أسفل علشان يصرف الماء الزائد من الزراعة

ب- تحضر الطمي الزراعي + الرمل بعد غسيلة من الأملاح، وتخلى النص رمل والنص طمي، تخلطهم مع بعض كويس

ج تحضر حوالى 4 كيلو فضلات طيور وحمام،”زبل حمام” لأن هذا هو السماد العضوى الذي سيغذى النبات

د- تخلط كل هذا معا وتضعه فى البرميل

ع – تشترى شتلة عنب من أي مشتل فاكهة من وزارة الزراعة أو المشاتل التابعة لمدريات الزراعة أو مركز البحوث الزراعية أو معمل المناخ المركزي بشارع نادي الصيد في الدقي أو من كليات الزراعة، أو من مشتل محترم مضمون.

و – تحضر  الشتلة، وتحفر حفره فى البرميل، وتخرج الشتلة من الكيس المغلف، وتضع الشتلة فى وسط البرميل، وتردم عليها بالتربة

ق – ترويها مرتين في الصباح الباكر وفى أخر النهار فى الصيف، وكل يومين في الشتاء

وبهدا يبقى عندك شجرة عنب، تكبر وتعمل لها تكعيبه- السلك المشدود على أعمده-  بطول السطح لأن العنب يحب المساحات ويفرش عليها

تتطلب عرض الشرائح هذه للجافا سكريبت.

تابعنا على تطبيق نبض